Iđđes- ja eahkesbeaivedoaibma lea dárkkuhuvvon vuosttaš ja nuppi jahkeluohká ohppiide sihke buot jahkeluohkáid ohppiide, geat ožžot earenoamáš doarjaga. Eahkesbeaivedoibmii sáhtát ohcat Wilma bakte. Ohcanáigi lea miessemánus, man birra skuvla dieđiha dárkileappot fuolaheddjiide Wilma bakte. Juos skuvlagiktii vuoigadahttin oahppi báhcá eahkesbeaivedoibmii, sus ii leat vuoigatvuohta skuvlagiktii, muhto givttaheami ovddasvástádus lea ruovttus. Lassidieđuid oaččut dárbbu mielde iežat máná skuvllas.
Doaimmas berrojuvvo máksu, mii lea 0 - 10 beaivvis 40 euro/mánus ja badjel 10 beaivvis 60 euro/mánus. Gaskabiebmu gullá oahppái, gii searvá eahkesbeaivedoibmii.
Vuođđooahpahusa iđđes- ja eahkesbeaivedoibmii sáhttet ohcat vuosttaš ja nuppi jahkeluohká oahppit sihke buot jahkeluohkáid oahppit, geat ožžot earenoamáš doarjaga. Iđđes- ja eahkesbeaivedoaibma sáhttá ordnejuvvot árgabeivviid váldonjuolggadusa mielde diibmu 7 ja 17.00 gaskkas.
Doaibma viggá doarjut mánáid ovdáneami ja šaddama, ovddidit buresbirgema ja dásseárvvu, eastadit ovddalgihtii eret duvdahuvvama ja lasihit searvevuođa.
Gielddas lea ovddasvástádus iđđes- ja eahkesbeaivedoaimma ollisvuođas. Dat sáhttá ordnet doaimma ieš dehe ovttas eará gielddaiguin dehe háhkat bálvalusaid organisašuvnnain, servošiin ja fitnodagain. Gielda mearrida iđđes- ja eahkesbeaivedoaimma mánnomávssuid sturrodagas, mat berrojuvvojit. Gielddas ii leat dattetge geatnegasvuohta ordnet doaimma.
Maiddái skuvlla riekkesdoaibma dehe dáidaga vuođđooahpahus sáhttá leat máná iđđes- dehe eahkesbeaivedoaibma.
Lámis mánáid iđđes- ja eahkesbeaivedoaimma ordnejit gielda ja buresbirgenguovlu masttalmasovttasbargun.